Burime anonime, por të besueshme po qarkullojnë së fundi një lajm, që mund të tronditë rehatinë e një pjese të konsiderueshme të dashamirësve të internetit. Youtube duket se po përgatitet të kërkojë një kontribut ekonomik për të shikuar disa kanale të caktuar. Mesa duket, Google (pronare e kompanisë) ka vendosur të sigurojë disa para' ekstra, duke mos u kënaqur më me përfitimet që vijnë nga reklama. 

Po si është e mundshme? Ata që prej vitesh janë mësuar të mos paguajnë për përmbajtje të caktuara "online", nuk është se kanë ndërmend të qëndrojnë në një faqe, që synon t'u vjelë para'. Këtu vjen ideja që të shndërrohen me pagesë vetëm disa kanale specifikë, si për shembull ato të filmave, apo të eventeve që jepen "live”. Gjithsesi nuk bëhet fjalë për shifra shumë të larta. Për momentin flitet nga 1 dollar deri në 5 dollar në muaj. Nga pranvera e këtij viti pritet të nisë thjesht testimi. Sesi do të shkojë si përfundim, mbetet të vendoset nga vetë administratorët e Youtube.