Marrëdhëniet mes artistëve të fushës muzikore gjithmonë janë të komplikuara. Kur janë me njeri-tjetrin, ata japin shembullin e një shoqërie të fortë e të sinqertë. Krejt e kundërta ndodh kur flasin pa doreza në mungesë të shoqi-shoqit.

Kështu duket se ndodh me të gjithë, por rasti në fjalë është padyshim i veçantë. Bëhet fjalë për dy këngëtaret kosovare Genta Ismajli dhe Nora Istrefi. Dy koleget në muzikë nuk janë komentuar kurrë për ndonjë afërsi mes tyre, njësoj siç nuk janë komentuar për ndonjë armiqësi.

Të gjendura në një tavoline festive mes kolegesh të tjerë, Genta ka marrë përsipër të vërë disi në lojë Noren. Ajo është çuar në mes të lokalit dhe ka imituar mënyrën e interpretimit të Nores në këngën e saj hit "Dy shoke”, imitim që është kthyer në një situatë humori për të pranishmit.Por nëse për këdo "hakmarrja është një pjatë që serviret e ftohtë”, me Noren nuk ndodh kështu. Ajo nuk u ka lënë shumë kohë të qeshurave të kolegëve, por është ngritur menjëherë për të realizuar edhe ajo përformancen e imitimit. Roli i ri si "Aktore”, i ka bërë ato personaz të mbrëmjes, por nuk e dimë nëse i ka bërë miqësore mes tyre, apo e kundërta!