Britanikja Tash Ozimek ishte 16 vjeç kur babai i saj një mbrëmje u ul pranë saj dhe e pyeti: "Cila gjë që do bëja unë do të të turpëronte më shumë?”Ajo heshti, pasi si shumë adoleshentë, mendon se babai e vë në siklet. Por pas pak minutash i tha: "Ndoshta po të vishesh si femër përpara miqve të mi”.

Shakaja e Tash u prit me heshtje nga babai i saj, i cili nisi t’i shpjegonte se çfarë kishte në mendje. Ai i tha të bijës se gjithmonë e kishte ndjerë veten si një femër dhe se ishte i dëshpëruar si mashkull. Për këtë arsye do ndryshonte seks.

Përpara se të mbaronte fjalinë, ajo iku në dhomën e saj me lot në sy. "Mbaj mend që kam qarë deri në orën katër të mëngjesit,” kujton ajo."As nuk ia kisha idenë se si ndjehej ai. Babai im kurrë nuk kishte qenë natyrë femërore. Ai vishte xhinse dhe bluza. Nuk kujdesej shumë për pamjen e jashtme. Ai fliste për politikë me miqtë e mi,” thotë Tash.Tani pas dy vitesh, ai është kthyer në femër pas një operacioni. Ish- kandidati i liberal- demokratëve tani quhet Jane.

Bija thotë se sërish për të ai është babi.

"E thërras sërish babai, për shkak se ai përfaqëson një rol, jo një gjini. Jane nuk është mamaja ime dhe nuk do shpik një fjalë të re për shkak se nuk e kam humbur babain”.